Obxectivos

Actualizar o coñecemento sobre as funcións da biblioteca escolar no panorama educativo actual.

Revisar os aspectos máis importantes relacionados coa lectura e o acceso á información no contexto educativo, á luz das últimas investigacións e en relación coas necesidades máis incitantes.

Reflexionar sobre o papel das Administracións educativas no impulso de prácticas de excelencia necesarias para a mellora de resultados.

Propiciar o intercambio entre as diferentes Comunidades Autónomas. Abrir posibilidades de cooperación no presente e no futuro.

Difundir experiencias de interese que se están a levar a cabo en centros educativos, en clave de innovación educativa e consecución de resultados.

Propiciar a reflexión e o intercambio de ideas para o desempeño de estratexias de solución a problemas existentes nestes ámbitos.

Destinatarios

Profesorado dos centros de Educación Infantil, Primaria e Secundaria, responsables/coordinadores das bibliotecas escolares ou integrantes dos equipos de bibliotecas dos seus centros. Membros de equipos directivos ou dos servizos de Inspección.

Responsables das Administracións educativas de todas as Comunidades Autónomas, con participación no deseño, xestión e desenvolvemento de programas de bibliotecas escolares.

Asesores de formación no ámbito das bibliotecas escolares e a lectura.